السلام عليكم
أخواني وزملائي الطلبة.
اكثر حاجة نكرهها في كلية العلوم وملاحظها في جميع الطلبة والطالبات وخاصة أنه خلطتي ومعارفي في الكلية هلبة ونعتبر قديم فيها شوية
. وهو التقصقيص وتقييد الأحوال.
لا شك أن السبب الرئيسي هو صغر الكلية من حيث المساحة وكثرة الفتيات (طبعا هذا أختصاصهم). فتجد الطالب يتحدث مع زميله وخاصة في جهة الدروج وألا جنب العرص في مربع المراحيم ويقوله:"ريت هذاك شنو دار مع هديك، شبحت هديك شنو دارت وكيف طلعت وشنو لبست...الخ".
والبناويت ويا لهوي من بناويت الكلية حشيشتهم التقصقيص "حيه شبحتي هداك يكلم في هديك، أسمعي شنو في بيناتهم زعمه في حاجة"
واااااااااااااااااااااك واك واك.
يا قصقاصة خلو الطلبة في حالهم وأظن أن في الكلية توجد حرية شخصية كل واحد يقدر يدير اي شئ، ويكلم اي حد، ويخش، ويطع، ويحضر، ويمشي، ويجي، زي ما يبي.
صح في حرية لكن مع حدود المعقول.
لذلك أنصحكم بجملة واحدة وهي: (دعوا الخلق للخالق)
وأرجو من الاخوة الأعضاء الرد والأدلاء بأرائهم
وتحياتي للجميع