منتدى كلية العلوم جامعة طرابلس


 
الرئيسيةس .و .جبحـثالتسجيلدخول

شاطر | 
 

 علاش فيه ناس هكي ؟؟؟ الجزء التاني

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
zeen
عضو جديد


ذكر
عدد الرسائل : 25
العمر : 30
العمل : student
التخصص : computer
البلد و الاقامة : tripoly
تاريخ التسجيل : 18/03/2008

مُساهمةموضوع: علاش فيه ناس هكي ؟؟؟ الجزء التاني   19.03.08 18:43

نبدا القصه بانه في يوم من الايام تعرفت على بنت في النت وزادت العلاقه تقه وعطتني رقم تلفونها وكلمتها وقعدنا نتواصلو بمسج ومره مره باتصال
بعده زادت الصداقه وقعدنا نتكلمو مع بعضنا بشكل دايم ونمسجو لبعضنا على الاقل, استمرت القصه هكي والبنت تريحتلي وبدت تحكيلي على مشكله عاطفيه صارتلها وكيف طلعت منها بصدمه عاطفيه وانها متاتره لحد توه منها وتبكي منها, وانا انحاول اني انشجعها علشان تطلع من مشكلتها ووقفت معاها وحاولت انخليها تبتسم وانه الدنيا فيها ناس اكويسين الخ
بعدها في يوم من الايام نضت الصبح قلت خليني نبعتلها رساله عالصبح حتكون حلوه مني( وياريتني مابعتلها )
وجاني الرد عالصبح (اقلب وجهك وماعاش اتكلمني وفوتني )
رديت عليها بكل ادب وقولتلها اوكي
بعدها بساعات جتني منها رسالة اعتدار على قلة ادبها وعلى الكلام الي قالتهلي كله ووعد انها ماعاش تبي تكلمني( ليش الله اعلم )
بعدها بايام تقوم السيده الفاضله تعطي رقمي لوحده من صاحباتها التاعبات وتخليها تتصل بي وتتحجج بانها تعرفني من النت وانا عاطيها رقمي( قلت بالك انا نعرفها لاني عندي صديقات من النت وممكن عاطيها الرقم وناسي) .
المهم هدرزت معاه اشوي وبعدها قولتلها مشغول تو انعاودلك .
قالتلي خلاص هدا رقمي .
روحت لحوشنا رقدت وبعد نضت قلت نبعتلها رساله بمناسبه المولد النبوي.
جاني الرد برساله انه هي ماتعرفنيش .
حاولت نتصل بيها من غير اي رد .
وبعدها يبدا في السب والكلام القبيح الي ادا دل على شئ فهو يدل على الاخلاق الي عندها
حاولت نتصل من غير اي رد
تاني يوم بعتت رساله وسألتها انتي افلانه
جاوبتني وقالتلي لا التلفون هدا امتاعي انا وكان بايت عند فلانه وانت سببتلها مشكله مع خوها والبنات يسهوكن عليك وانا قولتلهن ماعاش يتصلن بيك
(مافهمت شي )
.شن البنات الي يسهوكن علي؟؟؟؟؟؟؟؟؟؟؟؟
قولتلها ممكن اتردي علي نفهم منك شن المشكله
قالتلي قصدك مازال ماعرفتنيش انا صاحبتك الاولى وماعاش اتعاود عليه الرقم هدا
اتصلت بيها على رقمها الخاص ردت علي وماعطتنيش اي فرصه اني نتكلم وقالتلي ماعاش تتصل على رقمي
هدي طبعا الانسانه الي حاولت انعاملها اكويس وصادقتها ووقفت معاها في مشكلتها وشجعتها بيش تطلع منها والي امضيع وقتي معاها
علاش فيه ناس هكي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لاني عاملتها اكويس اديرلي هكي ؟؟؟
ولا هدي الدنيا ادير خير تلقا شر ؟؟
وبعدين مش البنت مخلوقه من عاطفه وقلب ومشاعر كيف ماقالت الاخت اموره وين المشاعر والقلب الي قلتي عليهم ؟؟؟؟؟؟
ولا غير شعارات نكدبو بيهم على بعضنا ؟؟؟؟؟؟؟؟؟؟؟؟؟؟
انشاء الله ربي يشفيها من المرض الي هي فيه
ارجو المشاركه على موضوعي الي قعدت ساعات نكتب فيه واكتر من مره يفصل علي الكونكشن وانعاود نكتبه من جديد
مع تحياتي زين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ryad gabber
الادارة
avatar

ذكر
عدد الرسائل : 172
العمر : 27
الموقع : http://al3lom.yoo7.com
العمل : طالب
التخصص : علم ارض
البلد و الاقامة : طرابلس - ليبيا
السيرة الذاتية : طيب وعصبي
تاريخ التسجيل : 15/02/2008

مُساهمةموضوع: رد: علاش فيه ناس هكي ؟؟؟ الجزء التاني   20.03.08 0:16

اقتباس :
وبعدين مش البنت مخلوقه من عاطفه وقلب ومشاعر كيف ماقالت الاخت اموره وين المشاعر والقلب الي قلتي عليهم ؟؟؟؟؟؟
نبي انفهمك حاجة اخي زين بأن في مجتمعنا هذا هناك الاسود والابيض وهناك الخير وهناك الشر يعني الناس كلها مش زي بعضها وكل واحد مسؤول على نفسه ومن اي بيئة والمكان الي طالع منها scratch

مع تحياتي ryad gabber

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://al3lom.yoo7.com
zeen
عضو جديد


ذكر
عدد الرسائل : 25
العمر : 30
العمل : student
التخصص : computer
البلد و الاقامة : tripoly
تاريخ التسجيل : 18/03/2008

مُساهمةموضوع: رد على رياض   20.03.08 6:15

مشكور اخونا رياض على التعليق الراقي
وفعلا حتى البيئه والضروف ممكن ايخلن الشخص تعبان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
amora21
المشرفون
avatar

انثى
عدد الرسائل : 93
العمر : 30
العمل : طالب
التخصص : حاسب آلي
البلد و الاقامة : ليبيا-طرابلس
السيرة الذاتية : ماشي حالها
تاريخ التسجيل : 03/03/2008

مُساهمةموضوع: رد: علاش فيه ناس هكي ؟؟؟ الجزء التاني   20.03.08 11:40

مانعرفش علاش خوي العزيز زين عندي احساس بان في حاجة تانية صارت وفاتتك, مافكرتش ان البنت متلا متلا بعد المشكلة اللي صارت معاها ولقاتك انت واحد طيب وتساعد فيها خافت؟ اني نحس فيها هكي, وتعرف من شني نحس فيها خافت؟
مش خافت منك, لا,خافت من انها تعاود نفس غلطتها اللي سببتلها المشكلة اللي هيا تعاني منها وقاعدة تتألم وتبكي منها لتوا, يعني شوف , اني بنت وبنقوللك رأيي على هالأساس, يعني توا اني بنحط نفسي في مكانها وبنتكلم, لو اني نعاني من مشكلة ومشكلة تاعبتني هلبة وخصوصا ادا كان هالمشكلة عاطفية سببها ولد, وجي ولد تاني يساعد فيا على اني نتخلص منها, الله غالب بروحه بروحه عقلي بيبدا يفكر في الولد الجديد, وبنلقى روحي طالعة من مشكلة وخاشة في مشكلة تانية, ونحاول نتخلص من هالولد الجديد باني نحبطله معنوياته طول الوقت وندرهله كبده, وهدا كله واني نتمنى من كل قلبي انه مايعدلش على جو البرادة اللي اندير فيه , وادا حسيت روحي بنبدا نتعلق بيه رسمي, خلاص, وقتها معاش فيه الا اني نقطع العلاقة من غير سابق انذار ونقطعها بطريقة باردة خالية من اي نوع من العواطف بيش الولد مايحسش اني نمتل عليه وان مش هدا هو اللي نبيه فعلا يصير, هدا طبعا لو اني كنت في مكان هالبنت, يعني انتو ممكن تشوفو ان كلامي هدا يدل على وحدة تعبانة نفسيا, وانتو احرار في رأيكم , لكن اني هدا رأيي, وبش تحكيلنا شن يصير معاك خوي العزيز زين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
zeen
عضو جديد


ذكر
عدد الرسائل : 25
العمر : 30
العمل : student
التخصص : computer
البلد و الاقامة : tripoly
تاريخ التسجيل : 18/03/2008

مُساهمةموضوع: رد على اموره   20.03.08 14:41

اولا مشكوره الاخت اموره على تقمصها دور البنت الي حكيتلكم عليها مع اني نتصور انك خير من البنت الي قلتلك عليها ولدلك ماتحاوليش تاخدي دور حد وتفكري نفس تفكيره علشان اتوريني هي كيف اتفكر لانك مش كيفها .
لكن انتي عطيتيني سبب ممكن ايكون قوي انها اتسيبني بلا سبب انها خايفه انها تنصدم مره تانيه مع شخص مرات يطلع اكويس ومرات لا (الي هو اني )
لكن مايعطيهش العدر انها تنسحب بالطريقه هدي ,فيه الف طريقه ممكن احسنلها هي ومن غير ماتجرح الي قدامها حتى كان هو ماينفعش
ومايعطيهاش العدر انها تبعت وحده من صاحباتها التاعبات علشان اتمتل علي دورها البارد التافه
ولو هي بتعلق في اني فرحان واكيد مش حنكون سبب في مشكله تانيه على الاقل ننسحب باسلوب اتكون هي راضيه بيه
عموما انا نتمنالها كل خير
ولو كان هدا تفكيرها اتحاول اتغيره على الاقل مع الناس الي يهتمو بيها
ومشكوره اموره على وقتك الي ضيعتيه على تقمص الدور ومزيد من التقدم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
zeen
عضو جديد


ذكر
عدد الرسائل : 25
العمر : 30
العمل : student
التخصص : computer
البلد و الاقامة : tripoly
تاريخ التسجيل : 18/03/2008

مُساهمةموضوع: نسيت حاجه   20.03.08 14:44

نسيت حاجه بنقوللكم عليها
البنت الي عرفتها مش نفس البنت الي دارتلي الفيلم هدا الي لعند توه منصدم فيه (مع انها نفس البنت )
وتسحاب روحها طلعت من مشكله بانها تصدمني اني
هيا سلالالالالالالالالالالالالالالالالالالالالام
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
yakoza alsadek
المشرفون
avatar

ذكر
عدد الرسائل : 53
العمر : 27
العمل : طالب علم مازال ما قالش باسم الله داروله امتحان في مادة
التخصص : علوم الأرض
البلد و الاقامة : الأصل من يفرن ,, يعني جبالي والسكنة في طرابلس الحبيبة
السيرة الذاتية : مش لازم تعرفوها
تاريخ التسجيل : 18/02/2008

مُساهمةموضوع: رد: علاش فيه ناس هكي ؟؟؟ الجزء التاني   20.04.08 15:05

بصراحة موضوع يحتاج الي تفكير عميق جدا لأن وبصراحة جدا
البشر ليس بأنسان كامل ,, وأحيانا يقوم بأشياء ماهي الإ التأثير النفسي و المعنوي الناتج عن الحالة الأجتماعية اللي هو عايش فيها
study
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
علاش فيه ناس هكي ؟؟؟ الجزء التاني
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كلية العلوم جامعة طرابلس :: المنتديات العامة :: منتدى اجتماعيات-
انتقل الى: