السلام عليكم:
هدا اول موضوع ليا وانشالله يكون o.k. ,
نبي نحكيلكم عن موقف صار معاي السمستر اللي فات ومافهمتش علاش يصير هكي وبالله تعطوني رايكم فيه
قالك وخيتكم السمستر الي فات كانت منزلة ديسكريت وهده مادة تخصص , المهم الدكتورة ربي يبارك فيها عطت محاضرات في الامتحانات واني ماقدرتش نحضر لان كان عندي امتحانات , المهم قريت اللي قدرت نقراه واللي مقدرتش نفهمه دورت على أي حد يقريهولي , مشي في بنية قالتلي اني نقريهالك مع العلم اني ماطلبتش منها, اني قلت هدي بنية طيبة وماشالله عليها, اتفقنا على يوم معين وجيت واستنيت وماجتش , اتلاقينا اليوم اللي بعده قاتلي نسيت, وحددنا موعد تاني والمرة هدي جت
قلتلها اشرحيلي النقطة هدي قاتلي لا, نشرحلك حاجة تانية, قلتلها هديكا الحاجة اني فاهمتها اشرحيلي هدي, قاتلي وبنقتبس منها( اني بنشرحلك هدي اوكي اني نبي نشرحها), قلنا شكلها الحكاية بدخ بتشرح المنهج كله,
وشرحتها مشي قلتلها باهي اشرحيلي اللي قتلك عليها بكري ( اني نوعيتي مانيئسش) قتلي اني قلتلك منيش شارحتها هدي ماتجيش في الامتحان قتلها باهي حتى ماتجيش غر اشرحيها, وبدت تشرح بعد ماكملت قتلي (فهمتي؟ شكلك مافهمتيش؟)
مشي اشرت على نقطة مفهمتهاش, الله لايوريكم اللي صار بعدها, فنصت فيا وخبطت عالورقة قتلي ( خيرك هكي؟ اني شن كنت ندوي؟ خيرك ماتفهميش؟ شني مستعجلة تبي تروحي ولا ماخاطركش؟) اني حسيت روحي بديت نصغر ووجهي ولا خطوط خطوط زي اللي يطلعو لماروكو و روحت الحوش عندي اكتئاب حااااااااااااااااد جدا, فياريت حد يقولي علاش في ناس هكي؟
موضوع: علاش في ناس هكي؟ 