انت طالب جامعي!! تعال اسأل نفسك الاسئلة هادى...تقدر تجاوب!!

السلام عليم ورحمة الله وبركاته

كلنا ندرس الابتدائي مجبورين ندرس الاعدادى مجبورين
الثانوي يتغير الموضوع نجتهد من نفسنا وندرس باش نجيب
مجموع وندخل الجامعه القسم الي في بالنا

دخلنا الجامعه القسم اللي نبوه
وبعدين !!

الاسئله هنا تطرح نفسها :

علاش دائما نقول اوف قلقنا من الدراسه!!
علاش اذا تكنسلت محاضره نكون بقمة السعاده!!
علاش من يوم تبدى محاضره عيونا ع الساعه نستنوا فى امتى تكمل المحاضره!!
علاش وقت المحاضره نكون قالقين ومش متحملين نفسنا والتركيز صفر!!
علاش وقت الامتحان مانقروش والنية ماتجيش !!
علاش وعلاش وعلاش أسئله كثيره !!

مادام احنا مختارين القسم بنفسنا وراغبين واحيانا ممكن
تتدخل الواسطات مفروض نكون حريصين على كل شي
فيه يعني مفروض مانعتبره امر إلزامي لانه احنا مختارينه

طبعا انا اندير فى كل هادى الحاجاع مانركزش , مانقراش بكل
ويوم سألت نفسي انا علاش اندير هكى لاسف ماعرفتش اجاوب
مع اني مختار قسمي بنفسي من غير اي ضعط من احد!!

السؤال هو:أحنى علاش هكى !!
علاش نعتبر الدراسه الجامعيه مظهر اجتماعي
لازم نحصل عليه بغض النظر عن الشي الي نستفيده!!
انا مانقولش كل الجامعيين هكى لكن 70 بالميه منهم هكى.

كلامك صحيح واني عن نفسي يصيرلي كل اللي تقول فيه لكن اني نعرف علاش
اولا لأني نسهر للتلاتة الاربعة في الليل وننوض تاني يوم ماعنديش جهد حتى نتكلم فمابالك بنستوعب الدكتور شن يقول
تانيا اني جماعتي مش متوعين قراية بتاتا نحير فيهم مرات كيف قاعدين مافصلوهمش من القراية , وخلينا عاد من اسلوب يعض الدكاترة اللي يقعد يتهزا ويتسهوك عليك حتى وكان عندك نية في القراية تطير هديكا النية, ولا عاد كان نضت موخر ويادوب تلحق تلبس يقولولك ماعندناش خبزة ووصل خواتك الصغار للمدرسة لان باصهم ماجاش وطلع حاشاك (الكناسة) و..و..و..و..و..و,كيف بالله بتجي النية في القراية؟؟؟؟
هدا عن نفسي انتو مانعرفش عليكم

عندي حل علاش منضموش الوقت متاعنا Very Happy

اقتباس :: علاش دائما نقول اوف قلقنا من الدراسه!!
علاش اذا تكنسلت محاضره نكون بقمة السعاده!!
علاش من يوم تبدى محاضره عيونا ع الساعه نستنوا فى امتى تكمل المحاضره!!
علاش وقت المحاضره نكون قالقين ومش متحملين نفسنا والتركيز صفر!!
علاش وقت الامتحان مانقروش والنية ماتجيش !!
علاش وعلاش وعلاش أسئله كثيره !!

في ولد صاحبي نفس الحالة كان يقرا في الهندسة السيمستر الي فات على فكرة محضرش ولا محاضرة تقريبا
مش عارف علاش ايجي للجامعة بس, والمشكلة ايجي يوميا اتقولو يأخد في الحضور والغياب ولكن توا هو في كليتنا الحبيبة وباهي السمستر هذا يحضر خير من السمستر الي فات غير فيه مرات معنداش نية ولا اتصيرلا لقطات بايخة
وشكرا رامي على الموضوع وان شاء الله تتعلم منه هههههههههههه

مع تحياتي ryad gabber

تباهي يارياض ههههههههههههههههههههه
وشكرا على الرد Laughing

اني وين سامع الدووة هذي قبل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ok ,, i no
اني سمعتها من واحد يقولوله angel of mafia group
بعدين واحد من جماعة ((mafia group ((his name is mr.devil بدي ينصح فجا في الناس فيا رامي قول لي مستر ديفل ينصح روحه بعدين يجي يقول نصايح
and thank you all for reading my commet

موضوع: بصراحة ... 21.04.08 3:08

السلام عليكم ..

بصراحة ومن غير زعل ..

بالنسبة للشباب نسبة 70% يجوا على شان البنات وعلشان الكساد وخلاص ..

وبالنسبة للبنات نسبة 60 % هيا تجي تقرأ بس لما تلقى صاحبها تمشي تدهور وتفطر هيا واياه وتفوت المحاضرات ..

وبالنسبة ليا انا شخصيا نحضر لكن عندي ازمة في مادتين لهذا ما نحبش نحضرهم بكل لانه حضروهم زي قلته ما في فرق ..

وهذا الواقع ..

ومرة ثانية اسف لو طولت لساني او تكلمت بكلام غير جميل او لطيف ..

وتقبلو تحياتي .. CooLBoY

السلام عليكم ....

يمكن يكون السبب مشكله ان كل واحد مننا مش حاط خطه او اهداف في حياته Question

يعني ماشيين مع الماشيين و بصراحه في حكمه صينيه مؤمنه بها اتقول :

((أذ لم تزد شئ علي الدنيا كنت انت الزائد فيها ))

يعني لو كل واحد مننا قبل ما يرقد اراجع شن دار في يومه ويسئل روحه هل يومه محسوب ليه او عليه scratch

ممكن هكي انغيرو شويه من حياتنا و لازم كل واحد مايرضاش ايعيش باقل مما يستحق .

مع تحياتي ....مريومه

شكرا ياختي مريوما على هده الرد الرائع
وشكرا على كل من شارك في هدا الموضوع
مع تحياتي rami roma Very Happy

» ادخل وشوف الجملة هادى............؟
» الاسئلة الرياضية هنا...........؟